POR QUÉ OS PANDAS SON BRANCOS E NEGROS ?

Para camuflarse e comunicarse.

É a principal conclusión dun estudo publicado recentemente na revista Behavioral Ecology e realizado por investigadores da Universidade de California (Davis, EE.UU.) e da Universidade do Estado de California.

«Entender por que o panda xigante ten esta cor é unha vella incógnita que non se puido desvelar ata agora, porque como ningún outro mamífero ten esa aparencia, non se puideron facer analogías», explicou Tim Caro, primeiro autor do estudo e investigador na Universidade de California Davis.

Camuflaxe para a neve e bosques húmidos.

Os investigadores concluíron que a maior parte do corpo do panda, como a cara, o pescozo, a barriga e a grupa, están coloreadas de branco para facilitar que se poida esconder na neve. Con todo, os brazos e as pernas son negros porque lle axudan a esconderse nas sombras do bosque, tal como defenderon.

En canto á cabeza, explicaron que as marcas escuras están relacionadas coa comunicación. Creen que as orellas negras contribúen a intimidar a posibles agresores e que os parches escuros en torno aos ollos son como unha pegada individual implicada no recoñecemento.