O TRIÁNGULO DAS BERMUDAS

Os sultáns do magufismo, término empregado na rede para designar aos defensores de teorías baseadas na acción de fenómenos paranormales, especialmente a maxia e os ovnis (UFOs), ven como a ciencia desmonta unha a unha, inexorablemente, as súas curiosas cosmoloxías. Malos tempos para as explicacións milagrosas, a pesar do éxito de pulseiras magnéticas ou parches de titanio.

Si da acción de seres extraterrestres se trátase, inmediatamente vén á nosa memoria o famoso Triángulo das Bermudas, unha área xeográfica de máis dun millón de quilómetros cadrados situado entre Porto Rico, Fort Lauderdale (Florida) e as illas Bermudas. Esta zona púxose de moda a mediados do pasado século a raíz da desaparición de varias embarcacións. Algúns escritores e xornalistas apresuráronse a acentuar estes sucesos como misteriosos, dando orixe ao mito.

Foi en 1974 cando o escritor Charles Berlitz, nunha obra plagada de imprecisións, converteu o misterioso triángulo nunha lenda coñecida en todo o mundo; (The Bermuda Triangle, 1978). Lonxe de desvanecerse, o “misterio” continúa cautivando ao público 30 anos despois.

Tralo estudo dos fondos mariños, un grupo de científicos chegou recientemente á conclusión de que o gas metano podería estar detrás destas desaparicións producidas na zona. A alta actividade volcánica orixinaría burbullas deste gas que, ao ascender á superficie, incrementarían exponencialmente o seu tamaño poñendo en serio perigo ás embarcacións e ata ás aeronaves que sobrevoan a zona, cuxos instrumentos se tornan imprecisos ante o repentino cambio na densidade do aire. Esta explicación podería poñer fin a varias décadas de especulacións.